1960 ലെ Kerala Shops and Commercial Establishment act അനുസരിച്ച് തൊഴിലാളികൾ ഉള്ളതും ഇല്ലാത്തതുമായ എല്ലാ കടകളും വാണിജ്യ സ്ഥാപനങ്ങളും ലേബർ ഓഫീസിൽ റെജിസ്റ്റർ ചെയ്യേണ്ടതാണ് .തുടർന്ന് എല്ലാ വർഷവും നവംബർ മാസത്തിൽ റെജിസ്ട്രേഷൻ പുതുക്കേണ്ടതുമാണ്. റെജിസ്റ്റർ ചെയ്യാതിരിക്കുകയോ യഥാസമയം പുതുക്കാതിരിക്കുകയോ ചെയ്യുന്ന സ്ഥാപനങ്ങൾക്ക് പുതിയ നിയമ ഭേദഗതി പ്രകാരം കുറഞ്ഞത് 5000/- രൂപ ഫൈനും കോടതി നടപടി കളും നേരിടേണ്ടി വരാം….
ലളിതമായ നടപടികളിലൂടെ നമുക്ക് തന്നെ ലേബർ രെജിസ്ട്രേഷൻ ചെയ്യാവുന്നതാണ്. അതെങ്ങനെയാണെന്ന് വിവരിക്കുകയാണ് ഈ ആർട്ടിക്കിളിലൂടെ….
പൂർണമായും ഓൺലൈൻ വഴിയാണ് ഇതിന്റെ നടപടിക്രമങ്ങൾ ചെയ്യേണ്ടത്. അതിനായി www.lc.kerala.gov.in എന്ന വെബ്സൈറ്റ് ഓപ്പൺ ചെയ്യുക. അവിടെ ലഭിക്കുന്ന ഓപ്ഷനുകളിൽ നിന്നും Online Registration എന്ന ഓപ്ഷൻ ക്ലിക് ചെയ്യുക . ഇപ്പോൾ ഓൺലൈൻ രജിസ്ട്രേഷൻ സംബന്ധിച്ച് ചില നിർദേശങ്ങളും നിബന്ധനകളും വായിച്ചു മനസ്സിലാക്കാവുന്നതാണ് .
തുടർന്ന് ലഭിക്കുന്ന വിൻഡോയിൽ നമ്മുടെ ജില്ലാ ഏ താണെന്ന് സെലക്ട് ചെയ്യുക. അതിനുശേഷം നമ്മുടെ സ്ഥാപനം ഏത് ലേബർ ഓഫീസിന്റെ പരിധിയിലാണ് ഉള്ളത് എന്നത് സെലക്ട് ചെയ്യുക. അതിനുശേഷം സ്ഥാപനം സ്ഥിതി ചെയ്യുന്ന സ്ഥലം സെലക്ട് ചെയ്തുകൊടുക്കുക .തുടർന്ന് തൊഴിലുടമയുടെ പൂർണമായ പേര് റസിഡൻഷ്യൽ അഡ്രസ്സ് മാനേജരുടെ പേര് മാനേജരുടെ അഡ്രസ്സ് ഫാദറിന്റെ / രക്ഷാകർത്താവിന്റ പേര് അഡീഷണൽ ആയിട്ട് മാനേജിങ് പാർണേഴ്സ് / ഡയറക്‌ടേഴ്‌സ്‌ ഉണ്ടെങ്കിൽ അവരുടെ പേര് എന്നിവ ടൈപ്പ് ചെയ്ത് കൊടുക്കുക.അതിനുശേഷം നമ്മുടെ ബിസിനസ് ഏത് കാറ്റഗറിയിൽ പെട്ടതാണ് എന്നുള്ളത് സെലക്ട് ചെയ്ത് കൊടുക്കാം. തുടർന്ന് ടിൻ നമ്പർ , ബാങ്ക് അക്കൗണ്ട് നമ്പർ , ബാങ്കിന്റെ പേര് എന്നിവ കൂടി എന്റർ ചെയ്ത് കൊടുക്കാവുന്നതാണ്.
തുടർന്ന് സ്ഥാപനത്തിന്റെ പേര് , പൂണ്ണമായ മേൽവിലാസം ,സ്ഥാപനം തുടങ്ങിയ തീയതി , സ്ഥാപനത്തിലെ പുരുഷ തൊഴിലാളികളുടെ എണ്ണം, സ്ത്രീ തൊഴിലാളികളുടെ എണ്ണം , പിതാവിന്റെ/ രക്ഷകർത്താവിന്റെ മേൽവിലാസം, തൊഴിലുടമയുടെ ജനനത്തീയതി, ഇ മെയിൽ അഡ്രസ് , മൊബൈൽ നമ്പർ, ഐ ഫ് സ് സി കോഡ് എന്നിവ എന്റർ ചെയ്തുകൊടുക്കുക. അടുത്തതായി സ്ഥാപനത്തിൽ തൊഴിലാളികൾ ഉണ്ടെങ്കിൽ തൊഴിലാളികളുടെ ഡീറ്റെയിൽസ് കൂടി അപ്ലോഡ് ചെയ്ത് കൊടുക്കേണ്ടതായിട്ടുണ്ട്. അതിനായി ഡൗൺലോഡ് എംപ്ലോയീസ് ഡീറ്റെയിൽസ് ഫോർമാറ്റ് എന്ന ഓപ്ഷനിൽ ക്ലിക്ക് ചെയ്താൽ ഒരു എക്സൽ ഫോർമാറ്റ് ഡൗൺലോഡ് ചെയ്ത് എടുക്കാൻ സാധിക്കുന്നതാണ് .ഡൗൺലോഡ് ചെയ്ത എക്സൽ ഷീറ്റ് ഓപ്പൺ ചെയ്തതിനുശേഷം അതിൽ തൊഴിലാളികളുടെ പേര് , മേൽ വിലാസം , വയസ്, സ്ഥാപനത്തിൽ ജോയിൻ ചെയ്ത വർഷം എന്നിവ ടൈപ്പ് ചെയ്തതിനു ശേഷം സേവ് ചെയ്ത് വയ്ക്കുക. അതിനുശേഷം തയ്യാറാക്കി വെച്ചിട്ടുള്ള എക്സൽ ഷീറ്റ് അപ്ലോഡ് ചെയ്തു കൊടുക്കുക.എംപ്ലോയീസ് ഇല്ലാത്ത സ്ഥാപനങ്ങൾ ആണെങ്കിൽ ഈ പറഞ്ഞ കാര്യങ്ങൾ ചെയ്യേണ്ടതില്ല . അതിനു ശേഷം സ്ഥാപനത്തിന്റെ ഒരു സപ്പോർട്ടിങ് ഡോക്യുമെന്റ് ( വാടക എഗ്രിമെന്റ്, പഞ്ചായത്ത് / മുനിസിപ്പൽ ലൈസൻസ് മുതലായവ ) കൂടി അപ്ലോഡ് ചെയ്തുകൊടുക്കുക. അതിനു ശേഷം സുബ്മിറ്റ് ആപ്ലിക്കേഷൻ ക്ലിക് ചെയ്യുക.
ഇപ്പോൾ ലഭിച്ച വിൻഡോയിൽ നിന്നും നമ്മൾ ടൈപ്പ് ചെയ്ത വിവരങ്ങളെല്ലാം കറക്റ്റ് ആണോ എന്ന് ചെക്ക് ചെയ്ത് ഉറപ്പുവരുത്തുക. നമ്മൾ ടൈപ്പ് ചെയ്തു കൊടുത്തതിൽ ഏന്തെങ്കിലും കറക്ഷൻസ് വരുത്താൻ ഉണ്ടെങ്കിൽ
എഡിറ്റ് ഡീറ്റെയിൽസ് എന്ന ഓപ്ഷൻ ക്ലിക്ക് ചെയ്തുകൊണ്ട് വിവരങ്ങൾ എഡിറ്റ് ചെയ്ത് കൊടുക്കാവുന്നതാണ് . അതിനുശേഷം അപ്ഡേറ്റ് ആപ്ലിക്കേഷൻ കൊടുക്കാം. നമ്മൾ നൽകിയിട്ടുള്ള വിവരങ്ങൾ എല്ലാം ചെക്ക് ചെയ്ത് കറക്റ്റ് ആണോ എന്ന് ഉറപ്പുവരുത്തിയതിനു ശേഷം Confirm Details എന്നതിൽ ക്ലിക്ക് ചെയ്യുക ഇപ്പോൾ ഒരു ടെമ്പററി രജിസ്ട്രേഷൻ നമ്പർ ലഭിക്കുന്നതാണ്. ഈ നമ്പർ നിർബന്ധമായും നോട്ട് ചെയ്ത് വയ്ക്കുക . എന്തെങ്കിലും കാരണത്താൽ പേയ്മെന്റ് ഫെയിൽ ആകുകയോ നമ്മുടെ ആപ്ലിക്കേഷൻ സംബന്ധിച്ച് തുടർന്നുള്ള അന്വേഷണങ്ങൾ നടത്തുകയോ ചെയ്യണമെങ്കിൽ ഈ നമ്പർ ആവശ്യമായി വരും.
അതിനുശേഷം proced for payment ക്ലിക് ചെയ്യുമ്പോൾ വിവിധ തരത്തിലുള്ള പെയ്മെൻറ് ഓപ്ഷനുകൾ ലഭിക്കുന്നതാണ്. ഇന്റർനെറ്റ് ബാങ്കിംഗ് , കാർഡ് പേയ്മെന്റ്, യു.പി.ഐ പേയ്മെന്റ് ഇങ്ങനെ നിരവധി ഓപ്ഷനുകൾ ഉള്ളതിൽ നിന്ന് അനുയോജ്യമായ ഓപ്ഷൻ സ്വീകരിച്ച് പണം അടയ്ക്കാവുന്നതാണ്. പയ്മെന്റ്റ് സക്സസ് ആയാൽ ചെല്ലാൻ ഡൗൺലോഡ് ചെയ്ത് എടുക്കാവുന്നതാണ് . നമ്മൾ സബ്മിറ്റ് ചെയ്ത ആപ്ലിക്കേഷന്റെ സ്റ്റാറ്റസ് അറിയുന്നതിനായി ഓൺലൈൻ ആപ്ലിക്കേഷൻ സ്റ്റാറ്റസ് എന്നതിൽ ക്ലിക്ക് ചെയ്തതിനുശേഷം നമുക്ക് ലഭിച്ചിട്ടുള്ള ടെമ്പററി നമ്പർ എന്റർ ചെയ്തു കൊടുക്കുക തുടർന്ന് ഡീറ്റെയിൽസ് ക്ലിക്ക് ചെയ്യുക. ഇപ്പോൾ നമ്മടെ ആപ്ലിക്കേഷന്റെ സ്റ്റാറ്റസ് ഇവിടെ നിന്നും ലഭിക്കുന്നതാണ്.